صناع الجزائر
السلام عليكم أ هلا ومرحبا بقدومكم علينا أهليتم نتمنا لكم أفضل الأوقات معنا دمتم بخير ولتحفظكم أيادي الرحمان اللهم امين
صناع الجزائر
السلام عليكم أ هلا ومرحبا بقدومكم علينا أهليتم نتمنا لكم أفضل الأوقات معنا دمتم بخير ولتحفظكم أيادي الرحمان اللهم امين
صناع الجزائر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

صناع الجزائر

منتدانا لكل من يهوى التألق في سلم النجاح والابداع نرجوا أن يحوز على رضاكم واعجابكم ويستحوذ على اهتمامكم* شاركونا اراءكم *
 
البوابةالرئيسيةأحدث الصورالتسجيلدخول

 

 بدك تضحك ادخل وشوف

اذهب الى الأسفل 
2 مشترك
كاتب الموضوعرسالة
داعية في زمن الغفلة
Admin
داعية في زمن الغفلة


عدد المساهمات : 199
نقاط : 9721
تاريخ التسجيل : 08/10/2011
العمر : 26
الموقع : طالب

بدك تضحك ادخل وشوف Empty
مُساهمةموضوع: بدك تضحك ادخل وشوف   بدك تضحك ادخل وشوف Icon_minitimeالأحد مارس 18, 2012 1:42 pm



مُساهمةموضوع: تبي ضحك اقرا ؟!؟!؟! الجمعة نوفمبر 13, 2009 5:49 am
السلاااااااااااااااام عليييييييكم


وشولنكم ؟؟ عساكم بخير ان شاء الله .. الله يديم السعاده على قلوبنا

كفراشة تطير من نخلة الى نخلة او ذبانة تطير من زبالة الى زبالة اوكثور يركض في المروج الخضراء وصدمته تريله (لانه قطع الشارع وماناظر يمين ويسار .. والله الثور بعد ) وكانت هذه التريلة محملة سميت فقعد ياكل من السميت ومات يومنه كل قرطاست سميت ونشبت في حلدزه مما جعله يفارق الحياة( صدق ثور اجل مايموت من التريلة ويموت من قرطاسة سميت


هذي ياحبايبنا سالفتن عنت(طرت ومهوب مرض العنه << ثقافه رايحه في عين امها) على بالي وهي التالي .. تقول الحدوته << ياشين السرج على البقرة .... خبرتوا سرج على بقرة ؟؟ مافيه طبعا .. الا يمكن في الدنمارك ذلوا يحطون على البقر سروج حتى مايتعقدون من هالمثل .. جايز .. المهم ان سالفتنا اليوم << جدكم ابو فلاح

<<< اخلص بلا مصاله تراك طولتها ..

سالفتنا عن بنت هي يافيل افريقي ياستراكوس من ايام الديناصورات يا دب قطبي .. المهم ان هالبنت مالها حواجب يعني كشف وماتجي الا بطلبية!!! ... كانوا اهلها رايحين للي يشتغلون في الهندسه الوراثية ... يبون يطلعون بنت بمواصفات جديدة وهي ان مالها حواجب( متراهنه امها وابوها ان البنت بدون حواجب ازين والا اشين ...الام تقول ازين اجل تبيها تجي مثلك حواجبك هاللي اكبر من زبيرياتك .. << وجهة نظر الابو يحترمها) .. وفي الاخير طلعت لهم مسخ فرانكشتاين وتورطوا بها .. بس ماعاد بيدهم حيله ..

سالفتي مع هالبنت بدت يوم كنت في الحمام اتسبح !!!..( لا احد يفكر بعيد .. ) سمعت اختي تصايح .. اخوي << البنت اذا قلت اخوي قرصني قلبي .. العاده اسمي حاف وبحومة تسبد بعد.. قالت وين اخوي .. < -- نيتها عوجا

انا ذيك الساعة كنت اليف ظهري بليفه مواعين عساه ينظف واقدر اطلع المستعمرات اللي فيه .. خبرتوا احد يطلع في ظهره شعر اكثر من راسه ..قالت اخوي .. قلت لعنه وش تبين(هذا وانا في الحمام )؟؟ قالت انت بتروح للشرقيه بكره ؟ قلت .. ووش يدخلك ؟؟ قالت ابي اروح معك .. قلت في نفسي اخ اني والله داري ان ورا اخوي مصلحه والا العاده اسمي يالله تقولينه .. قلت ماعاد الا هي بعد وخير وش عندك في الشرقيه .. ورا ماتذلفين توسعين صدرك عند وحدتن من صديقاتك وتنقلعين من هنا قبل مارسل عليك قملة .. تراني يالله قضبت ام سعد عنك(ام سعد هذا قملة بيني وبينها علاقة صداقة وطيدة . واحترم ارائها .. وفيه اشاعه اننا بنتزوج .. قملتي وانا حر فيها.. ..قالت تكفى وترا بعد اذنك صديقتي بتروح معنا نوصلها لعمها فيذاك ؟؟ تكفى ودي اكسب فيها جميل ..<<طبعا جميل ابو احمد جميل

هنا لحظة توقف عقلي والامطار تهطل علي من دش الحمام والقمل مشدوه بما سمع وام سعد تفتل شنباتها مفكرة بعمق.. وسعابيلي قامت تتقاطر مما سد البانيو لاني اسعبل شيء ياهو زيت فرامل او زيت دركسون .. المهم اذا رحت للوكاله علمتكم وين التهريب منه ..

قلت ياولد انا طموح حياتي اني اكلملي بنت حتى لو ادق وتسكر السماعه مااسمع صوتها .. وهذي بتروح معنا 400 كيلو خلني اروح بهم واسولف معهم ولو اذا قلت لها تبين عصير وقالت لا تسدني هذي ..

قلت طيب ولمي اغراضك وعلمي خويتك ترانا بنمشي العصر خلوكم والمين والا ذلفت وخليتكم .. قالت طيب ..

وجا العصر وحملنا عفشنا وشناطنا ومشينا لبيت البنت .. وهو يطلع لنا شيء مابعد شفت مثله .. وكان شكله كالاتي ..... هو والله اعلم بنت هذا مايبدو من اول وهله بس ذا ناطلن غترة على كتفه !!!!!

طلع وتنح قدام السيارة ثمن قعد يحك راسه شوي ثمن ضحك و دخل ثانيه !!!!!!! وفي هاللحظه شكيت انها خبلة وماهنا صحايه .. وهي تجيب شنطتها اللي صارت ناسيتها وتحطها في السيارة وتركب..

قالت انت يالاخو لو سمحت قلت سمّي ؟؟ قالت اسفط الله لايهينك عند المحل اللي على اليمين ذا اباحط غترة هالملعون (اخوها ) عنده !!! .. قلت بس جاك الموت ياتراك الصلاة الظاهر انها خبله يوم حولت وانا انغز اختي واشر ورا قلت هي فيها شي ..قالت لا من يوم عالجوها يوم تدخل راس المديره في حوض دورة المياه وهي طيبه .. قلت بس .. هذي المديرة اللي لها احترامها محطوطتن في دورة المياه .. اجل انا ان خالفت وش بتسوي بس..بتسفطني وتحطني تحت المرتبه الين اعقل .. ؟؟!! .. وتوني اباسطر اختي بكف يمشي مليونين وانا التفت على الغسال خفت تشوفني اطق خويتها وتقب فيني .. والاها معلقتن الهندي برجلها وتسطره بالثانيه .. وواقفة على يدينها (الظاهر ان اصلها شمبانزي)

وانا احول اركض واختي حولت طايره تبي تلحق على الرجال وعباتها تومي تقول نسافة باكستاني رايحن يصب عماره ..

ويوم جيناها وهي تمسكها اختي وتخرها عن العامل .. والهندي يقعد يصيح ومعذور والله .. هذي الخارج من يدها مولود .. قلت وشفيكم متهاوشين انت واياه بزارين انتم <<< والله من زين النصح بعد .. قالت .. يقول الغسيل بريال والكوي بريال يعني ريالين .. قلت طيب وش المشكله .. قالت لا ابد ماهنا شي الدعوه مزح .. !!!!!!!!
وعطته فلوسه وطلعت .. وانا عيوني شابحه تقول اسطبات فياقرا .. مهيب صاحيه .. وهالمره متاكد ..

يوم مسكنا خط الشرقيه السريع(وهضمت الموقف بصعوبه ) الا يوم نقزت اللي ورا قال عندك كسرات والا شيء لبشير... قلت لا انا ماعندي الا عبدالحليم حافظ<<مسوي رومانسي انا وخشتي .. قالت اجل اسفط عند المحطة اللي قبالك فيها استريو يسوي كسرات يحبها قلبك دايم اخذ منه .. قلت في نفسي ذي خبلة رسمي .. قلت انتي صاحية والا مانتيب صاحية وش اللي تاخذين من عنده انهبلتي انتي ووش جابك هنا وشولن دخلتي المحل وهو ممنوع دخول الحريم .. قالت اروح انا واخوي ونشتري منه هو يجيب لي الكتلوجات في السياره وانا انقي(الظاهر انها مشغلت اخوانها سواقين عندها < -- لوني اخوها وتقول اشتغل رقاصه اشتغلت ) .. قلت نمر لعتن تلعنك انتي واخوك اجل تبيني اجيب الكتالوجات بعد .. قالت عادي خلك فري .. قلت اقول هها بس ولايكثر حتسيت .. قالت اجل لاتشغل عبدالحليم

. قالت عاد بصرك .. قلت انتي يالمملوحه .. مره محناب ماريين وان كان معك سكين <-وخايف
فانا المحش تحت المرتبه والله ان اخلي رقبتك شرايح والا شرايح سنبوسه .. قالت بصرك ماتبي تمر بصرك ..

شوي قالت انا ابي بيره وببسي وجب كاس عشان اعبل
شوي نقزت وقالت وانت وش تبي ؟؟.. قلت وانتي وش دخلك .. قالت صح والله انك صادق .. انا نغزني قلبي .. هالجواب مهوب جواب انسان صاحي ابد.. اقولها وش دخلك تقول والله انك صادق !!!!!! .. قمت اتحسس رقبتي خبركم العمر غالي ..

وشرينا اللي نبي ومشينا والا يوم قالت البنت لو سمحت وين الكاس .. قلت نسيته .. فيه شي قالت لا تنفخ طيب قلت والا وش بتسوين قالت في هالحاله وبما انك نسيت الكاس(نقزت من الكلام عن المنافخ الا الكلام عن الكاس ) مالي الا اني افك غطا اللنبه( وكانت تنفذ وهي تتكلم ) اللي في نص الموتر واعبل فيها صح انه صغير بس العوض ولا القطيعه وشعرتن من جلد الخنزير بركة .. قلت من الخنزير ..قالت الموتر لان اللي صانعه يهود فيصير خنزير.. قلت انا الظاهر اني ابا نهبل قريب .. ويوم شربت العبيله قالت ااااااااه هالحين ركد راسي .. اثرها صارت خرمانه عبيله بيرة وببسي ومدمنه وماتعقل ويصفى راسها الا الا شربت منها ..

واشوا عقلت وزانت السوالف وسولفنا الين طاح مافي راسي وطلعت مثقفه .. تصدقون .. !! .. قالت الا وش رايك في الرسم الحديث قلت في نفسي والله تطور .. من كسرات الا رسم حديث الله ابو البيرة اثرها تخلف العقل .. قلت هاللي يكبون بويه على بلكاش ويخلطونها الين يطلع لهم الوان مدري وش تبي ثمن يقولون هذا فن حديث .. قالت لا ويفصلون الالوان يعني مثلا يقولون ان اللون الازرق في هالشخاميط معناه ان الرسام كان يبي يحك خشمه بس مايقدر يخلي الريشه لان فيها حبر والحبر غالي ولو نشف ماعاد ينبغى فحط حرته في اللون الازرق .. واللون الاحمر يعني ان الرسام كان اصبع رجله الصغير قارطه الباب وموجعه وحط اللون الاحمر حتى يغاير الدم اللي طلع من رجله ويشوف وش بيسوي .. واللون الاخضر يعني ان المنتخب كان فايز يوم يرسمون اللوحه و(مناب قايلين الاهلي لان الرسام يشجع احد ويكره خالد مسعد <<ياقدمك ياخي) ....

قلت والا الى ذاك قالوا العصر الجوراسي للفنان والعصر البرتقالي .. وين هم دينصورات .. قالت ايو الله انك صادق .. والا بيكاسو هالخبل قاعدن يرسم على سقف الكنيسه اربع سنين .. هاه لوه طاح ومات بينفعه الرسم< -.. واشوا حلت السوالف وكلام سنع .. بس مابي اطول عليكم حتى ماتملون ..< -- ماقصرت بالتطويل الله يصلحك ..

ووصلنها لبيت عمها الله يحفظها وانا تمشيت خميس وجمعة ورجعنا وهي جلست هناك .. الله يكفيها شر البيره و الببسي ..وبسكوت الشاهي لانه ثقيل على التسبد .. وهي مهيب ناقصه ..

الخلاصة ::
1-الادمان شيء خاطيء حتى ولو كان الادمان على شيء عادي ..تحيه للبور هورس و...... للسيرلاك ..

2- بعض البنات فاهمة الدنيا ومثقفه وبعضهم للاسف (اكثرهم الصراحة) ماتعرف شيء اكثر من ان مقاس جزمتها 46.. والفيصليه بيروحون لها الاسبوع الجاي .. وسالي سطرتها مادلين << ياعيوني ياسالي والله يانا اروح وطي بعد..المهم.. نرجع لكلامنا ..< -- مايتحمل يسمع اسم سالي ..

الرجوع الى أعلى الصفحة اذهب الى الأسفل
https://ta3limweb.forumalgerie.net
أمة الله
نائبة
أمة الله


عدد المساهمات : 253
نقاط : 9639
تاريخ التسجيل : 08/12/2011
العمر : 28
الموقع : طالب

بدك تضحك ادخل وشوف Empty
مُساهمةموضوع: السلام عليكم ورحمة الله وبركاته   بدك تضحك ادخل وشوف Icon_minitimeالجمعة مارس 23, 2012 1:26 pm

بدك تضحك ادخل وشوف 282818_1328039314
واصلي هذا التميز
الرجوع الى أعلى الصفحة اذهب الى الأسفل
 
بدك تضحك ادخل وشوف
الرجوع الى أعلى الصفحة 
صفحة 1 من اصل 1
 مواضيع مماثلة
-
» امتحان طريف ادخل وشوف
» هذا اللعبة سوف تحبنها بس ادخل للضرورة

صلاحيات هذا المنتدى:لاتستطيع الرد على المواضيع في هذا المنتدى
صناع الجزائر :: راحة المنتدى-
انتقل الى: